«Նոթինգհեմ Ֆորեստը» պաշտոնապես հայտարարել է գլխավոր մարզիչ Սթիվ Կուպերից բաժանվելու մասին։
44 ամյա Կուպերը մարզում է «Ֆորեստը» 2021 թվականի սեպտեմբերից՝ բարձրացնելով թիմը Չեմպիոնշիփից իր առաջին իսկ մրցաշրջանում:
Ուելսցի մասնագետի գլխավորությամբ «Ֆորեստը» անցկացրել է 55 հանդիպում Պրեմիեր լիգայում, որտեղ ներկայումս զբաղեցնում է 17-րդ տեղը։
Ակումբի սեփականատեր Էվանգելոս Մարինակիսը որոշել է աշխատանքից հեռացնել Կուպերին՝ անբավարար արդյունքների պատճառով։ «Անտառապահները» հաղթել են Պրեմիեր լիգայի իրենց վերջին 13 խաղերից միայն մեկում:
Սպասվում է, որ «Վուլվերհեմպտոնի» և «Տոտտենհեմի» նախկին մարզիչ Նունու Էշպիրիտու Սանտուն շուտով կզբաղեցնի Կուպերի տեղը։
