«Մանչեսթեր Յունայթեդի» հարձակվող Ռոբին վան Պերսին հայտնել է, որ ցանկանում է այս մրցաշրջանում «Յունայթեդի» հետ նվաճել բոլոր հինգ տիտղոսները:
Ռոբին վան Պերսիի դուբլի շնորհիվ Անգլիայի Սուպերգավաթում հաղթելով «Ուիգան Ատլետիկին»՝ «Յունայթեդն» իր տիտղոսային առաջադրանքի 20%-ը կատարեց: Հոլանդացի ֆուտբոլիստը չի թաքցնում իր ամբիցիաները և մտադիր է պայքարել նաև մյուս չորս տիտղոսների համար:
-Մենք հնարավորություն ունենք հաղթելու 5 տիտղոս և մենք բոլորն էլ ուզում ենք: Միշտ էլ հաճելի է գոլ խփել՝ հատկապես «Ուեմբլիում»: Ես շատ ուրախ եմ:
Մենք ունենք Վիլֆրիդ Զախա, որը հիանալի ֆուտբոլիստ է: Ես հավատում եմ այս թիմին, մենք չեմպիոններ ենք: Չեմ հասկանում, թե ինչու են ոմանք մեզ ֆավորիտների մեջ երրորդը համարում,- ասել է վան Պերսին: ITV
