«Արսենալի» գլխավոր մարզիչ Արսեն Վենգերը հայտնել է, որ այս պահին իր թիմի հիմնական հարձակվողը Թեո Ուոլկոտն է։

Չնայած, որ Չեմպիոնների Լիգայում «Բավարիայի» հետ խաղում Օլիվյե Ժիրուն փոխարինման դուրս գալով խփեց հաղթական գնդակը, Վենգերը պատրաստ է առաջիկայում էլ մեկնարկային կազմում խաղադաշտ դուրս բերել Ուոլկոտին։

-Միշտ դժվար է նրանց միջև ընտրություն կատարելը։ Նրանք բարձրակարգ ֆուտբոլիստներ են։ Ես հաշվի եմ առնում նրանց մարզավիճակները և առաջիկա խաղը։

Մրցաշրջանի ավարտին նրանիցից յուրաքանչյուրն անցկացրած խաղերի իր ավանդը կունենա, սակայն այս պահին հարձակվողի դիրքում իմ ընտրությունը Թեոն է։ Հնարավոր է, որ մի քանի շաբաթ հետո դառնա Ժիրուն,- Վենգերի խոսքերն է մեջբերում Sky Sports-ը։

Share on Facebook

Tweet