«Վեստ Հեմը» մոտ է այս տրանֆերային պատուհանում իր առաջին ձեռքբերմանը։ Այդ ֆուտբոլիստը կարող է դառնալ «Այաքսի» կիսապաշտպան Էդսոն Ալվարեսը:
Այս տրանսֆերային պատուհանը հիասթափեցնող ձևով է ընթանում «Վեստ Հեմի» համար, որը ոչ միայն առանց նոր ձեռքբերումների է, այլև շոշափելի կորուստ է կրել՝ վաճառելով իրենց թիմի ավագ Դեքլան Ռայսին։
Ի հիասթափություն իրենց գլխավոր մարզիչ Դևիդ Մոյեսի, «Վեստ Հեմը» չկարողացավ պայմանավորվել Ջեյմս Ուարդ-Պրոուզի հետ, բայց այժմ «մուրճահարների» համար փոքրիկ հույս է առաջացել:
Ըստ The Guardian-ի՝ «Վեստ Հեմն» արդեն պայմանավորվել է Ալվարեսի հետ և հույս ունի նաև պայմանավորվածության հասնել «Այաքսի» մինչև այս շաբաթվա ավարտը:
Նախկինում Ալվարեսի ծառայությունների համար դիմել էր նաև «Չելսին», սակայն «կապույտները» 25 ամյա մեքսիկացուն դիտարկում են միայն որպես այլընտրանք Մոյսես Կայսեդոյի համար:
Ընդհանուր առմամբ, Մոյեսն այս ամառ ցանկանում է ձեռք բերել երկու կիսապաշտպանի, ձախ պաշտպանի, ձախ եզրային հարձակվողի և կենտրոնական պաշտպանի:
