«Արսենալի» գլխավոր մարզիչ Արսեն Վենգերը շնորհակալ է երկրպագուներին՝ աջակցության համար, որը թիմի փայլուն ելույթների գլխավոր պատճառներից մեկն է:
Մրցաշրջանի մեկնարկից առաջ տրանսֆերների համար շատ էին քննադատում Վենգերին, իսկ այժմ երկրպագուները դժգոհելու պատճառ չունեն․ թիմը 6 տուրերից հետո գլխավորում է մրցաշարային աղյուսակը: Վենգերի խոսքերով, երկրպագուները կրկին հավատում են իրենց:
-Երբ թիմը հավատում է սեփական ուժերին, ապա խաղերին դրական է տրամադրվում: Ինչքան շատ է հավատը, այնքան մեծ է հաղթելու հավանականությունը:
Երբ թիմը լավ է խաղում, շրջապատում ամեն ինչ դրական է դառնում: Մեր լավ արդյունքների համար պարտական ենք նաև երկրպագուներին: Նրանք մեզ վստահություն են հաղորդում,- Վենգերի խոսքերն է մեջբերում Sky Sports-ը:
