Goal.com կայքը կազմել է ամենահարուստ ֆուտբոլիստների ցանկը, որում Պրեմիեր Լիգան ներկայացնող ֆուտբոլիստները երկուսն են:
Հաշվարկը կատարվել է ֆուտբոլիստների ողջ կարիերայի ընթացքում վաստակած գումարով: Ցուցակում այն ֆուտբոլիստներն են, ովքեր դեռևս չեն ավարտել իրենց կարիերան: 2014թ-ի ռեյտինգային ցուցակում առաջին հորիզոնականը զբաղեցրել է Կրիշտիանու Ռոնալդուն, իսկ երկրորդ տեղում Լիոնել Մեսսին է: Նշենք, որ երկար տարիներ այս ցուցակը գլխավորում էր Դևիդ Բեքհեմը, ով անցած տարի ավարտեց իր կարիերան:
Պրեմիեր Լիգայից այս ցուցակում հայտնվել են «Չելսիի» հարձակվող Սամուել Էտո՚Օն և «Մանչեսթեր Յունայթեդի» հարձակվող Ուեյն Ռունին:
Goal.com-ի վարկածով աշխարհի ամենահարուստ ֆուտբոլիստները.
1. Կրիշտիանու Ռոնալդու (Ռեալ Մադրիդ) – 148 մլն եվրո,
2. Լիոնել Մեսսի (Բարսելոնա) – 146 մլն եվրո,
3. Սամուել Էտո՚Օ (Չելսի) – 85 մլն եվրո,
4. Ուեյն Ռունի (Մանչեսթեր Յունայթեդ) – 84 մլն եվրո,
5. Կակա (Միլան) – 82 մլն եվրո,
6. Նեյմար (Բարսելոնա) – 80 մլն եվրո,
7. Ռոնալդինյո (Ատլետիկո Մինեյրո) – 78 մլն եվրո,
8. Զլատան Իբրահիմովիչ (ՊՍԺ) – 69 մլն եվրո,
9. Ջանլուիջի Բուֆֆոն (Յուվենտուս) – 63 մլն եվրո,
10. Թիերի Անրի (Նյու-Յորք Ռեդ Բուլզ) – 57 մլն եվրո:
