Պրեմիեր Լիգայի 33-րդ տուրի կենտրոնական հանդիպումը կայացավ «Օլդ Թրաֆորդ» մարզադաշտում, ուր «Մանչեսթեր Յունայթեդը» հյուրընկալել էր առաջատար «Չելսիին»։
Չնայած Ժոզե Մոուրինյոն պահեստայինների նստարանին էր թողել առաջատարներ Հենրիխ Մխիթարյանին և Զլատան Իբրահիմովիչին, «կարմիր սատանաները» վստահ հաղթանակ տարան «ազնվականների» նկատմամբ։ Հանդիպման հաշիվը 7-րդ րոպեին բացեց Մարկուս Ռեշֆորդը՝ խփելով ընթացիկ մրցաշրջանում «Յունայթեդի» ամենաարագ գոլը։ 49-րդ րոպեին Անդեր Էրերան կրկնապատկեց իր թիմի առավելությունը։
Այս հաղթանակից հետո Ժոզե Մոուրինյոյի թիմը՝ վաստակած 60 միավորով բարձրացավ 5-րդ հորիզոնական, իսկ «Չելսիի» և «Տոտտենհեմի» միավորների տարբերությունը հասավ 4֊ի։
Գոլեր․ Ռաշֆորդ՝ 7ր, Էրերա՝ 49ր։
