«Չելսիի» նախկին եզրային Էդեն Ազարը հայտարարել է իր խաղային կարիերան 32 տարեկանում ավարտելու մասին։
Ազարն իր հետքը թողեց անգլիական ֆուտբոլում «Չելսիի» կազմում՝ 2012 թվականի ամռանը հայրենի «Լիլլից» 32 միլիոն ֆունտով տեղափոխվելուց հետո:
Ընդհանուր առմամբ, Էդենը «Չելսիի» կազմում անցկացրել է 352 խաղ, որոնցում խփել է 110 գոլ՝ «կապույտների» հետ նվաճելով երկու Պրեմիեր լիգայի չեմպիոնական տիտղոս, Անգլիայի գավաթ, Լիգայի գավաթ և երկու Եվրոպա լիգայի գավաթ։
2019 թվականին «Չելսին» Ազարին տեղափոխվեց «Ռեալ» 130 միլիոն ֆունտ ստերլինգի դիմաց, ներառյալ բոնուսները, սակայն Էդենը Մադրիդում անցկացրած չորս մրցաշրջանում կարողացավ մասնակցել ընդամենը 76 հանդիպման՝ անցած ամառ լքելով իսպանական ակումբի շարքերը:
Ի վերջո, մշտական առողջական խնդիրները ստիպեցին Ազարին կախել կոշիկները:
Ավելացնենք, որ Ազարը Բելգիայի հավաքականի կազմում անցկացրել է 126 հանդիպում և դարձել 33 գոլի հեղինակ՝ մասնակցելով աշխարհի երեք առաջնության և երկու Եվրոպայի առաջնության։
