«Արսենալի» և «Վեստ Հեմի» նախկին կիսապաշտպան Ալեքս Սոնգը 36 տարեկանում հայտարարել է խաղային կարիերան ավարտելու մասին։
Սոնգը հիմնականում հայտնի է Անգլիայում «Արսենալի» կազմում իր ելույթներով, որի գույները նա պաշտպանել է 2005-ից 2012 թվականներին՝ անցկացնելով 205 հանդիպում։ Այդ ընթացքում Ալեքսը ոչ մի գավաթ չի կարողացել նվաճել, միայն հասել է Լիգայի գավաթի եզրափակիչ։
2012 թվականի ամռանը կամերունցի կիսապաշտպանը 15 միլիոն ֆունտ ստերլինգով տեղափոխվեց «Բարսելոնա», ավելի ուշ խոստովանելով, որ դա արել է ոչ թե գավաթների, այլ բացառապես գումարի համար։
«Բարսելոնայում» չխաղալուց հետո Սոնգը երկու մրցաշրջան անընդմեջ անցկացրեց Անգլիայում՝ 2014/15 և 2015/16 թվականներին՝ վարձավճարով ներկայացնելով «Վեստ Հեմը»։
Սոնգը իր կարիերայի ընթացքում խաղացել է նաև «Բաստիայում», «Չարլթոնում», «Ռուբինում», «Սիոնում» և հնդկական «Արտա Սոլար 7» ակումբում։
Սոնգը մեկ տարուց ավելի ֆուտբոլ չի խաղացել և այժմ վերջապես պաշտոնապես հաստատել է, որ ավարտում է իր խաղային կարիերան:
