«Վուլվերհեմպտոնի» հարձակվող Դիեգո Կոստան ԱՊԼ-ում իր կարիերայի ընթացքում առաջին անգամ կարմիր քարտ ստացավ։
Կոստան խաղադաշտից հեռացվեց ավելացված ժամանակահատվածում «Բրենտֆորդի» դեմ խաղում (1-1) պաշտպան Բեն Միին հարվածելու համար:
Մրցավար Բոբի Մեդլին, ով 4 տարվա դադարից հետո վերադարձել է Պրեմիեր լիգայի մրցավարական գործունեությունը, դիմել է VAR-ի օգնությանը, անձամբ է մոտեցել մոնիտորին և միայն դրանից հետո Դիեգոյին կարմիր քարտ շնորհել։
Շատ երկրպագուներ զարմացան՝ տեսնելով, որ այս կարմիր քարտը Կոստայի համար առաջինն էր Պրեմիեր լիգայում: Նա հանրահայտ է իր կռվարար բնավորությամբ, սակայն երբեք չէր հեռացվել խաղադաշտից «Չելսիում» անցկացրած տարիներին:
«Նա ներողություն խնդրեց իր թիմակիցներից: Ես ինքս դա չտեսա, բայց նա ներողություն խնդրեց»,- «Վուլվերհեմպտոնի» ժամանակավոր մարզիչ Սթիվեն Դևիսի խոսքերն է մեջբերում Daily Mirror-ը:
Հավելենք, որ այժմ 34-ամյա իսպանացին որակազրկվելու է երեք խաղով, ինչը նշանակում է, որ նա միայն աշխարհի առաջնությունից հետո կվերադառնա «գայլերի» կազմ։
