«Աստոն Վիլլան» համագործակցություն է հաստատել ճապոնական «Վիսել Կոբե» ակումբի հետ:
Այս ռազմավարական համագործակցությունը ներառում է երիտասարդ խաղացողների զարգացումը և փորձի փոխանակում, ինչպես նաև բացում է «Վիլլայի» դռները ճապոնացի խաղացողների համար:
Այսպիսով, Ճապոնիայի առաջնության առաջատար «Վիսել Կոբեn» միացավ V Sports ակումբների ընտանիքին, ընկերությանը, որը պատկանում է «Վիլլային»։
Ինչպես պարզաբանում է The Athletic-ը, «Վիլլայի» հետ կապված մյուս ակումբներն են պորտուգալական «Վիտորիան» և եգիպտական «ԶԵԴ»-ը։
Հոկտեմբերի վերջին «Կոբիի» պատվիրակությունը կայցելի Բիրմինգհեմ, իսկ «Վիսելի» մինչև 16 տարեկանների թիմի երկու խաղացողներ կմարզվեն «Վիլլայի» ակադեմիայի իրենց հասակակիցների հետ։
Բացի այդ, «Վիլլան» իր ակադեմիայի թիմերից մեկին կուղարկի Ճապոնիա՝ 2024 թվականին կայանալիք միջազգային մրցաշարի։
