«Արսենալի» գլխավոր մարզիչ Արսեն Վենգերը հայտնել է, որ իր ակումբը երբեք չի հետաքրքրվել «Կրիստալ Փելեսի» վինգեր Վիլֆրիդ Զախայի ծառայություններով:
Ըստ մամուլում տեղ գտած լուրերի՝ 20-ամյա Զախան այս շաբաթ արդեն կկնքի պայմանագիր «Մանչեսթեր Յունայթեդի» հետ: Ենթադրվում էր, որ ֆուտբոլիստի համար կպայքարի նաև «Արսենալը»: Մինչդեռ այսօր հայտնի դարձավ, որ «զինագործները» նույնիսկ չեն էլ հետաքրքրվել ֆուտբոլիստով:
-Եթե Զախան տեղափոխվում է «Մանչեսթեր Յունայթեդ», ապա ես նրան հաջողություն եմ ցանկանում: Մենք երբեք չենք հետաքրքրվել նրանով: Երբեք,- ասել է Վենգերը:
Այս կապակցությամբ ֆրանսիացի մասնագետը հայտնել է լրագրողներին, որ չի թվարկի այն խաղացողների անունները, որոնց ակումբը դիտարկում է՝ որպես պոտենցիալ նորեկների:
