«Արսենալի» կիսապաշտպան Միկել Արտետան հայտնել է, որ իր թիմը չի հաղթի Չեմպիոնների Լիգան, եթե «Բորուսիայից» կրած պարտությունից (2:0) հետևություն չանի:
Երեքշաբթի երեկոյան դորտմունդյան ակումբը մի քանի գլուխ բարձր էր Վենգերի սաներից, որոնց հաջողվեց ավելի խոշոր հաշվով պարտություն չկրել: Արտետան կարծում է, որ իրենք պետք է հետևություն անեն այս արդյունքից:
-Եթե թոփ ակումբների դեմ խաղում դու այնպիսի սխալներ ես թույլ տալիս, ինչպիսին որ մենք գործեցինք, ապա դու Չեմպիոնների Լիգան հաղթելու հնարավորություն չես ունենա: Մենք պետք է վերլուծենք խաղը և հասկանանք, թե ինչն այնպես չենք արել, որպեսզի ավելի ուժեղ դառնանք:
Ես հիասթափված եմ, քանի որ մենք գիտեինք «Բորուսիայի» ուժը և հնարավորությունները, սակայն նրանց թողեցինք, որ խաղան իրենց խաղը,- ասել է Արտետան: ESPN
