«Աստոն Վիլլայի» հարձակվող Կրիստիան Բենտեկեն պատրաստ է վերսկսել մարզումներն ընդհանուր թիմի հետ և արդեն այս ամսվա վերջում կարող է օգնել իր թիմին:
Հիշեցնենք, որ 23-ամյա Բենտեկեն ապրիլին կրունկի հատվածում վնասվածք ստացավ, ինչի պատճառով բաց թողեց ոչ միայն մրցաշրջանի մնացած հատվածը, այլ նաև Բրազիլիայում կայացած աշխարհի առաջնությունը: Սպասվում էր, որ Կրիստիանը շարք կվերադառնա սեպտեմբերի սկզբին:
-Այսօր կլինի մոտ հինգ ամիս: Ժամանակը շատ երկար էր, սակայն վաղը կարևոր օր է ինձ համար: Կսկսեմ անել այն, ինչն ամենից շատն եմ սիրում: Շնորհակալ եմ բոլորիցդ ձեր աջակցության համար, դուք լավագույնն եք,- թվիթերյան իր էջում գրել է Բենտեկեն:
