«Բորնմուտը» ավարտեց «Լիդսի» կիսապաշտպան Թեյլոր Ադամսի գնման գործընթացը։ Տրանսֆերը գնահատվում է 20 միլիոն ֆունտ:
Ադամսը «Բորնմուտի» հետ պայմանագիր է կնքել մինչև 2028 թվականը և Անտոնի Իրաոլայի թիմում հանդես կգա 18 համարի մարզաշապիկով։
Այսպիսով, Ադամսը հեռացավ «Լիդսից» ընդամենը մեկ մրցաշրջանի ունենալով թիկունքում, որտեղ նա մասնակցեց 26 հանդիպման՝ չկարողանալով կանխել «սպիտակների» անկումը Պրեմիեր լիգայից։
«Լիդսի» անկումը թույլ տվեց Ադամսին հեռանալ Էլլանդ Ռոուդից՝ 20 միլիոն ֆունտ ստերլինգ փոխհատուցումով: Ավելի վաղ «Չելսին» պատրաստվում էր գնել Թեյլորին, սակայն գործարքը ձախողվեց։
Նշենք, որ հենց հիմա ԱՄՆ-ի հավաքականի 24 ամյա ավագը վնասվածք ունի և չի խաղացել մարտի վերջին կրած ազդրի վիրահատությունից հետո։
