«Ինտերի» կիսապաշտպան Ֆրեդի Գուարինի գործակալը հերքել է լուրերն այն մասին, թե «Տոտտենհեմը» հետաքրքրվում է իր հաճախորդի ծառայություններով:
Օրերս իտալական մամուլը հայտնեց, որ Գուարինը ցանկանում է հեռանալ «Ինտերից»: Անմիջապես սկսեցին խոսել, որ «Տոտտենհեմն» է ցանկանում ձեռք բերել Ֆրեդիին: Լոնդոնյան ակումբի գլխավոր մարզիչ Անդրե Վիլաշ-Բոաշը ծանոթ է ֆուտբոլիստի հետ, երբ վերջինս հանդես էր գալիս «Պորտուում»:
Մինչդեռ այսօր Գուարինի ներկայացուցիչը հերքեց նմանատիպ լուրերը և հայտնեց, որ խաղացողը ցանկանում է հաջողության հասնել Միլանյան ակումբում:
-Այս ամբողջը սուտ է: Ո՛չ ես, ո՛չ էլ Ֆրեդին նոր տարբերակներ չենք փնտրում: Նա ցանկանում է բարելավել իր խաղը և ինչ-որ բան նվաճել «Ինտերի» հետ:
Ոչինչ չգիտենք «Տոտտենհեմի» հետաքրքրության մասին: Հաշվի առնելով մեր կապը Վիլաշ-Բոաշի հետ՝ մենք առաջինը կիմանայինք, եթե դա ճիշտ լիներ:
Ես ոչ մեկի հետ բանակցություններ չեմ վարում, որովհետև Ֆրեդին ցանկանում է մնալ «Ինտերում»,- հայտնել է Մարսելո Ֆերեյրան: Сalciomercato
