«Մանչեսթեր Սիթիի» գլխավոր մարզիչ Պեպ Գվարդիոլան բացատրել է, թե ինչու է Աշխարհի ակումբային առաջնությունը կարևոր իր ակումբի համար։
Երեքշաբթի երեկոյան «Սիթին» իր պատմության մեջ առաջին անգամ կխաղա աշխարհի ակումբային առաջնությունում՝ կիսաեզրափակիչ փուլում հանդիպելով ճապոնական «Ուրավա Ռեդ Դայմոնդսին»:
Եվ չնայած ինքը՝ Գվարդիոլան, նախկինում երկու անգամ հաղթել էր այս մրցաշարում «Բարսելոնայի» և մեկ անգամ՝ «Բավարիայի» հետ, Խոսեպը լի է ցանկությամբ՝ ավելացնելու այս գավաթը «Սիթիի» հավաքածուում:
«Մեզ համար հաճելի է լինել այստեղ, «Մանչեսթեր Սիթին» առաջին անգամն է այստեղ։
Մենք գիտենք, թե որքան դժվար է հաղթել այս առաջնությունում, և եթե դուք այստեղ եք, ուրեմն նախկինում ինչ-որ առանձնահատուկ բանի եք հասել: Սա իմ չորրորդ մասնակցությունն է այս մրցույթին, և բոլոր կիսաեզրափակիչները շատ դժվար են եղել:
Մենք ցանկանում ենք հաղթել այս մրցույթում: Սա այն գավաթն է, որը մենք չունենք: Մենք ցանկանում ենք ավարտել ցիկլը՝ նվաճելով հնարավոր բոլոր գավաթները: Սա վերջինն է:
Եզրափակիչ դուրս գալը հեշտ չի լինի: Մենք շատ բան չգիտենք մեր մրցակիցների մասին, որքան հնարավոր է շատ տեղեկատվություն ենք հավաքել: Ճապոնիայի հավաքականը հաղթում է Գերմանիային, հաղթում աշխարհի լավագույն թիմերի դեմ խաղերում: Ճապոնիայում ֆուտբոլը բարձր մակարդակի վրա է»,- Գվարդիոլայի խոսքերն է մեջբերում The Independent-ը։
