«Մանչեսթեր Սիթիի» կիսապաշտպան Դավիդ Սիլվան չի հասցնում ապաքինվել մինչև կիրակի օրը կայանալիք Անգլիայի գավաթի կիսաեզրափակչի խաղը «Չելսիի» դեմ:
Ինչպես հայտնում է Daily Mail պարբերականը, իսպանացի ֆուտբոլիստը կարող է բաց թողնել ոչ միայն Անգլիայի գավաթի կիսաեզրափակիչը, այլև «Ուիգանի» հետ հանդիպումը Պրեմիեր Լիգայի շրջանակներում:
Դավիդին դեռ անհանգստացնում է ծնկատակի ջիլի վնասվածքը, որը նա ստացել էր վերջերս կայացած Մանչեսթերյան դերբիում: 27-ամյա խաղացողի ապաքինումը դանդաղ է ընթանում:
-«Ուիգանն» այն հանդիպումն է, որին նա կպատրաստվի: Կիրակի օրվա խաղը նրա համար բացառված է: Չափազանց աննշան են ապաքինվելու հնարավորությունները,- հայտնել է «Սիթիին» մոտ կանգնած աղբյուրը:
