«Կրիստալ Փելեսը» հայտարարել է «Մանչեսթեր Յունայթեդի» և Անգլիայի հավաքականի դարպասապահ Դին Հենդերսոնի հետ պայմանագիր կնքելու մասին։
Հենդերսոնը պայմանագիր է կնքել «Փելեսը» հետ մինչև 2028 թվականը, որով նա այս ամառ դարձավ Ռոյ Հոջսոնի երրորդ նորեկը՝ Ջեֆերսոն Լերմայից և Մատեուս Ֆրանկիից հետո։
Ինչպես նշում է The Athletic-ը, 26 ամյա անգլիացու գործարքը գնահատվում է 20 միլիոն ֆունտ, ներառյալ 5 միլիոն ֆունտ բոնուսները:
Հենդերսոնը «Յունայթեդի» ակադեմիայի շրջանավարտ է, որը 29 հանդիպում է անցկացրել «կարմիր սատանաների» հիմնական կազմում, որոնցից ամենավերջինը եղել է 2022 թվականի փետրվարին:
Անցած մրցաշրջանը Հենդերսոնը վարձավճարով անցկացրեց «Նոթինգհեմ Ֆորեստում», իսկ մինչ այդ հաջող հանդես եկավ «Շեֆիլդ Յունայթեդում»: Զգալով ստաբիլ խաղաժամանակ ստանալու հաճույքը՝ Դինը հրաժարվեց ընդունել փոխարինող դարպասապահի դերն իր հարազատ ակումբում:
«Ես իսկապես գոհ եմ և ոգևորված այստեղ հայտնվելու համար: Այս ակումբն ունի հիանալի երկրպագուների բազա և շատ բարձր մակարդակի խաղացողներ, ովքեր քաղցած են հաջողության: Այստեղ ինչ-որ բան է ստեղծվում, և ես իսկապես ուզում եմ լինել դրա մի մասը»,- ասել է Հենդերսոնը։
