Անգլիայի հավաքականի նախկին ավագ Դևիդ Բեքհեմի տղան՝ Ռոմեո Բեքհեմն ընդունվել է «Արսենալի» ֆուտբոլային ակադեմիա:
Բեքհեմ կրտսերը սեպտեմբերի 1-ին՝ իր ծննդյան օրը «Էմիրեյթս» մարզադաշտից հետևում էր հյուսիսլոնդոնյան դերբիին:
Չնայած, որ Դևիդ Բեքհեմը երկար տարիներ խաղացել է «Մանչեսթեր Յունայթեդում», սակայն նրա տղան երկրպագում է «Արսենալին»: Խաղից հետո Ռոմեոյին հաջողվել է հանդիպել «զինագործների» գլխավոր մարզիչ Արսեն Վենգերի հետ և նրանից ինքնագիր վերցնել:
Այժմ, ինչպես հաղորդում է Daily Express-ը, կատարվել է 10-ամյա Բեքհեմի ևս մեկ երազանք՝ նրան ընդունել են «Արսենալի» ակադեմիա: Դևիդի տղան իր ֆուտբոլային առաջին քայլերը կանի հենց «Արսենալում»: