«Մանչեսթեր Յունայթեդի» գլխավոր մարզիչ Էրիկ Տեն Հագը հաստատել է, որ կիսապաշտպան Մարսել Զաբիցերը պատրաստ է իր նորամուտը նշել «կարմիր սատանաների» կազմում:
Զաբիցերը «Յունայթեդ» եկավ միայն ձմեռային տրանսֆերային պատուհանի վերջին օրը՝ վարձավճարով «Բավարիայից» և նոր էր սկսել մարզվել Տեն Հագի թիմի հետ:
Այնուամենայնիվ, Տեն Հագը պատրաստ է օգտագործել 28 ամյա ավստրիացուն շաբաթ օրը «Կրիստալ Փելեսի» դեմ խաղում, քանի որ Քրիստիան Էրիկսենը, Դոնի Վան դե Բեկը և Սկոտ Մակտոմինեյը վնասվածքներ ունեն:
«Ինչպե՞ս նա տեղավորվեց, շատ լավ, իհարկե, նա այստեղ ընդամենը մեկ մարզում է անցկացրել, բայց տեսնում եք, որ նա շատ լավ մարզավիճակում է»:
«Ես այլ կերպ չէի սպասում: Նա եկել է «Բավարիայից», իսկ գերմանական ակումբները միշտ մեծ ուշադրություն են դարձնում մարզավիճակին, այնտեղ միշտ կարգը պահում են: Դրա համար էլ նա լավ մարզավիճակում է: Կարծում եմ, որ նա պատրաստ է խաղալ»:
«Կարծում եմ, որ նա շատ խելացի խաղացող է: Կարծում եմ, որ մենք պետք է որոշակի ուղղորդում տանք նրան, բայց նա գիտի, թե ինչ պետք է անի, գիտի իր գործը, այնպես որ կարող է սկսել»,- Տեն Հագի խոսքերն է մեջբերում Evening Standard-ը:
