«Արսենալի» գլխավոր մարզիչ Միկել Արտետան վստահ է, որ կիսապաշտպան Ժորժինյոյի հետ չի կրկնի Դավիդ Լուիզի և Վիլիանի ճակատագիրը, ովքեր նույնպես «զինագործներ» էին եկել «Չելսիից»։
Վերջին տարիներին «Չելսիի» և «Արսենալի» միջև տրանսֆերները հաճախակի բնույթ են կրում, բայց շատ դեպքերում դրանք անհաջող են ստացվում:
Օրինակ, նշված Լուիզն ու Վիլիանը պարզվեց, որ այլևս այն խաղացողները չեն, ինչ եղել են «Չելսիում», բայց Արտետան վստահ է, որ դա չի կրկնվի 12 միլիոն ֆունտով գնված Ժորժինյոյի դեպքում։
«Ամեն անգամ, երբ խաղացողի հետ ստորագրում ես պայմանագիր, դա քննարկում է առաջացնում»:
«Միգուցե նրանք փորձ չունեն: Գուցե նրանք շատ երիտասարդ են: Գուցե նա այնքան էլ հայտնի չէ կամ նման բան: Մենք ունենք մեր չափանիշները, և մենք շատ աշխատանք ենք կատարել ետնաբեմում, որպեսզի մենք հստակ իմանանք, թե ինչպիսի խաղացող ենք մենք ցանկանում»:
«Սա ֆուտբոլ է: Ցավոք, դու միշտ չէ, որ ճիշտ ես, բայց մենք քրտնաջան աշխատել ենք, որպեսզի այս տրանսֆերն իրականանա: Վստահ եմ, որ լավ կլինի»,- Արտետայի խոսքերն է մեջբերում Evening Standard-ը:
