«Արսենալի» վինգեր Թեո Ուոլկոտը կարծում է, որ «Տոտտենհեմը» վախենում է Անգլիայի Գավաթի երրորդ փուլում իր թիմի հետ խաղից:
Ուոլկոտի խոսքերով, իրենց հյուսիսլոնդոնյան հարևանները Թիմ Շերվուդի գլխավորությամբ լավ թափ են հավաքել, սակայն վախենում են դերբիից, քանի որ այս պահին «Արսենալը» գլխավորում է Պրեմիեր Լիգայի մրցաշարային աղյուսակը:
-Կարծում եմ՝ մեզ հետ խաղալու վատ ժամանակ է նրանց համար: Չեզոք երկրպագուի համար դա հիանալի պայքար կլինի: Անգլիայի գավաթը շատ կարևոր առաջնություն է ինձ համար:
Նրանք վախենում են խաղալ մեզ հետ՝ հատկապես «Էմիրեյթսում»: «Տոտտենհեմի» դեմ խաղերին մենք շատ լուրջ ենք պատրաստվում,- Ուոլկոտի խոսքերն է մեջբեորւմ Reuters-ը:
