«Մարսելի» գլխավոր մարզչի օգնականը հայտնել է, որ իրենց ակումբը հետաքրքրված է «Արսենալի» հարձակվող Ժերվինյոյի ծառայություններով:
26-ամյա իվուարցին Անգլիայում երկու մրցաշրջան է անցկացրել և դարձել է ընդամենը 9 գոլի հեղինակ:
Լուրեր էին պտտվում, որ Ժերվինյոն կարող է վերադառնալ «Լիլլ»: Ֆուտբոլիստի անունը կապում էին նաև թուրքական «Ֆեներբահչեի» հետ: Եվ այժմ կան բոլոր նախադրյալները, որ իվուարցին շուտով կլքի «զինագործներին»:
-Ժերվինյոյի կարգի ֆուտբոլիստները մեզ հետաքրքրում են: Մեզ պետք են եզրային ֆուտբոլիստներ, ովքեր տիրապետում են լավ փոխանցումների, ունեն դրիբլինգ և կարողանում են գոլեր խփել: Ժերվինյոն հենց այդպիսին է,- Le 10 Sport-ին հայտնել է մարզչի օգնական Ֆրանկ Պասին:
