«Քուինս Պարկ Ռեյնջերսի» պաշտպան Ժոզե Բոսինգվան կարիերան կշարունակի թուրքական «Տրաբզոնսպոր» ակումբում:
Ինչպես հաղորդում է Sky Sports-ը, 30-ամյա պորտուգալացին արդեն մեկնել է Թուրքիա, որպեսզի համաձայնեցնի պայմանագրի վերջնական կետերը, բուժզննում անցնի և պայմանագիր ստորագրի:
Բոսինգվան, ով «Չելսիի» և «Պորտուի» հետ հաղթել է Չեմպիոնների Լիգայում, ընդամենը մեկ մրցաշրջան անցկացրեց «ՔՊՌ»-ում, սակայն չկարողացավ լոնդոնյան ակումբին օգնել մնալ Պրեմիեր Լիգայում: Դեկտեմբերին Ժոզեն անգամ տուգանվեց երկու շաբաթվա աշխատավարձի չափով, քանի որ «Ֆուլհեմի» հետ խաղում հրաժարվեց փոխարինվել:
Նոր մրցաշրջանն, ամենայն հավանականությամբ, Բոսինգվան կսկսի «Տրաբզոնսպորում», որը հնարավորություն ունի մասնակցելու Եվրոպա Լիգային: Թուրքական այս ակումբը երկու շաբաթ առաջ ձեռք բերեց նաև Բոսինգվայի նախկին թիմակից Ֆլորան Մալուդային: