Մադրիդի «Ռեալի» գլխավոր մարզիչ Ժոզե Մոուրինյոն «Մանչեսթեր Յունայթեդի» հետ տնային ոչ-ոքի (1:1) խաղալուց հետո հայտնել է, որ 1/4 եզրափակիչ դուրս գալու թիմերի հնարավորությունը 50/50 է:
Երեկ կայացած խաղում առաջինը հաջողության հասան «կարմիր սատանաները»: Սակայն Դենիել Ուելբեքի գոլից 10 րոպե հետո «մանկունյանցիների» նախկին ֆուտբոլիստ Կրիշտիանու Ռոնալդուն հավասարեցրեց հաշիվը:
Ոչ-ոքի արդյունքը «Յունայթեդին» որոշակի առավելություն է տալիս, քանի որ նրանք գոլ են խփել հյուրընկալվելիս, իսկ պատասխան խաղը տեղի կունենա սեփական հարկի տակ: Սակայն Ժոզե Մոուրինյոն հնարավորությունները հավասար է գնահատում:
-Խաղի հաշիվը ինձ համար անակնկալ չէր: Ես հենց այսպիսի արդյունք էլ ակնկալում էի: Պատասխան խաղում ամեն-ինչ հնարավոր է: Կարծում եմ, որ մինչև վերջին րոպեն պայքար կլինի:
Կարող եմ ասել, որ թիմերի հնարավորությունները 50/50 են: Մենք կարող ենք Մանչեսթերում մեկից ավել գոլ խփել,- ասել է Մոուրինյոն: Sky Sports
