«Մանչեսթեր Յունայթեդի» գլխավոր մարզիչ Էրիկ տեն Հագը չի համարում, որ իր թիմը ճգնաժամի մեջ է գտնվում։
Ամառային տրանսֆերային պատուհանում մոտ 180 մլն ֆունտ ծախսելով թիմն ուժեղացնելու համար՝ «Յունայթեդը» վատ է սկսել նոր մրցաշրջանը:
Շաբաթ օրը «կարմիր սատանաները» սեփական հարկի տակ 3:1 հաշվով պարտվեցին «Բրայթոնին»՝ գրանցելով իրենց երրորդ պարտությունը Պրեմիեր լիգայի հինգ խաղերում, սակայն Տեն Հագը վստահ է, որ ամեն ինչ ավելի լավ կլինի, եթե իր թիմը շարունակի հետևել իր ցուցումներին և ցուցաբերի համառություն:
«Կարո՞ղ եք ասել, որ «Յունայթեդը» ճգնաժամի մեջ է: Ո՛չ: Բայց մենք պետք է նեղվենք և զայրանանք ինքներս մեզ վրա, քանի որ այս ակումբում մեզանից միշտ ակնկալում են հաղթանակներ»:
«Մենք պետք է համախմբվենք և հավատարիմ մնանք մեր ծրագրին և մեր կանոններին, այնուհետև մենք կփոխենք այս իրավիճակը»:
«Ինձ անհանգստացնում է մեր մարզավիճակը, բայց առաջին հերթին ինձ անհրաժեշտ է տեսնել այն խաղը, որը ես եմ ցանկանում տեսնել: Խոսքը բնավորության, ամրության, թիմի համախմբվածության մասին է: Ֆուտբոլիստները պետք է իրենց դրսևորեն և ցույց տան իրենց բնավորությունը, քանի որ բոլոր հանդիպումներում, հատկապես այսօր, ինչպես նաև «Արսենալի» և «Ֆորեստի» դեմ մենք ցույց տվեցինք, որ կարող ենք լավ խաղալ և հնարավորություններ ստեղծել»։
«Բայց մենք պետք է բարելավենք որոշ գործոններ և պետք է քայլ առաջ կատարենք», – Տեն Հագի խոսքերն է մեջբերում Sky Sports-ը:
