«Լեսթերը» նախորդ մրցաշրջանից 92,5 միլիոն ֆունտ ստեռլինգի վնաս է կրել:
Այս կորուստը գրանցվել է 2021 թվականի հունիսի 1-ից մինչև 2022 թվականի մայիսի 31-ը, և դա երեք անգամ գերազանցում է նախորդ 12 ամիսների ցուցանիշը (31,2 միլիոն ֆունտ ստերլինգ կորուստ):
Հաշվետու ժամանակահատվածում «Լեսթերը» մեծ վաճառքներ չի կատարել՝ պաշտպան Վեսլե Ֆոֆանան օգոստոսին է 70 մլն ֆունտով տեղափոխվել «Չելսի»։
Չնայած ֆինանսական նման ողբալի ցուցանիշներին, «աղվեսները» դեռ չեն խախտել ֆինանսական ֆեյր-փլեյի կանոնները։ Այնուամենայնիվ, կարճաժամկետ և երկարաժամկետ սահմաններում մնալու համար «Քինգ Փաուեր» ակումբը կարող է ստիպված լինել այս ամառ վաճառել իր աստղերից մի քանիսին, ինչպիսին Ջեյմս Մեդիսոնն է:
«Լեսթերն» ամեն դեպքում կթեևացնի իր աշխատավարձային պարտավորությունները, քանի որ Չագլար Սոյունջուի, Յուրի Տիլմենսի և Այոսե Պերեսի պայմանագրերն ավարտվում են մրցաշրջանի վերջում, հիշեցնում է The Telegraph-ը։
