Մադրիդի «Ռեալը» դժվար թե մրցաշրջանի ավարտից հետո գնի «Չելսիի» դարպասապահ Կեպա Արիսաբալագային։
Հիշենք, որ Մադրիդի «Ռեալը» ստիպված եղավ վարձակալել Կեպային՝ Տիբո Կուրտուայի ծանր վնասվածք ստանալու պատճառով։
Երբ Կեպան տեղափոխվեց Մադրիդ, նա մի քանի հայտարարություն արեց, որ չի ցանկանում վերադառնալ «Չելսի» և հույս ունի մշտական պայմանագիր ստորագրել Մադրիդի «Ռեալի» հետ։
Սակայն վերջերս Կեպան վնասվածք էր ստացել, և վերադառնալուց հետո կորցրել է իր տեղը թիմի մեկնարկային կազմում, քանի որ ուկրաինացի Անդրեյ Լունինը նրա բացակայության ընթացքում կարողացել է ցուցադրել իր լավագույն կողմերը։
Եվ չնայած Կեպան մասնակցել է Մադրիդի «Ռեալի» վերջին երկու խաղերին Սուրբ Ծննդից առաջ, Անչելոտին արդեն հայտարարել է, որ դեռ չի որոշել, թե ով կլինի դարպասում, երբ մրցաշրջանը վերսկսվի:
Ինչպես հայտնում է AS-ը, Մադրիդի «Ռեալը» կասկածներ ունի Կեպայի՝ երկրորդ հարկում խաղալու և թիմակիցներին ճիշտ հրահանգներ տալու կարողությունների վրա, ուստի 29 ամյա իսպանացու մշտական տրանսֆերն այս պահին քիչ հավանական է թվում:
