«Բրայթոնը» պաշտոնապես հայտարարել է «Լիվերպուլի» կիսապաշտպան Ջեյմս Միլներին ազատ գործակալի կարգավիճակով ձեռք բերելու մասին։
Միլները մեկ տարվա պայմանագիր է կնքել «Բրայթոնի» հետ՝ ևս մեկով երկարաձգելու հնարավորությամբ, որն ուժի մեջ կմտնի «Լիվերպուլի» հետ Ջեյմսի պայմանագրի ժամկետի ավարտից հետո։
37 ամյա անգլիացին վերջին 8 մրցաշրջաններն անցկացրել է «Լիվերպուլում», որտեղ հաղթել է Պրեմիեր լիգան, Չեմպիոնների լիգան, Անգլիայի գավաթը, Եվրոպայի սուպերգավաթը և Աշխարհի ակումբային առաջնությունը։
Միլների փորձը միանշանակ օգտակար կլինի «Բրայթոնին», ով հաջորդ մրցաշրջանում կներկայացնի Անգլիան Եվրոպայի լիգայում։
«Ես շատ ուրախ եմ Ջեյմսին «Բրայթոնում» ողջունելու համար: Նա հիանալի ձեռքբերում է մեզ համար, և ես վստահ եմ, որ նա մեզ ավելի բարձր մակարդակի կհասցնի»,- ասել է «ճայերի» գլխավոր մարզիչ Ռոբերտո Դե Զերբին:
