«Չելսիի» գլխավոր մարզիչ Ժոզե Մոուրինյոն կոչ է արել իր վերադարձի հետ կապված պակասեցնել թիմից մեծ սպասելիքները:
Մոուրինյոյի վերադարձից հետո «կապույտներն» իրենց առաջին պարտությունը կրեցին «Էվերթոնի» դեմ Պրեմիեր Լիգայի չորրորդ տուրի խաղում: Եվ պորտուգալացին կարծում է, որ դա միանգամայն նորմալ է:
-Մենք անպարտելի չենք: Սա այլ թիմ է (2004թ-ի թիմի հետ համեմատած): Սակայն ես առաջինն եմ, ով չի սիրում հանգիստ աշխատել: Այժմ մենք աշխատում ենք ֆուտբոլիստներին զարգացնելու և նրանցից լավագույնը քաղելու վրա:
Մենք պետք է ավելի արդյունավետ լինենք, ավելի հասուն և պարզ: Սա աշխատանքի այն ձևն է, որով մենք պետք է առաջ գնանք: Մեզ անհրաժեշտ է գեղեցիկ ֆուտբոլը վերածել գոլերի,- Մոուրինյոյի խոսքերն է մեջբերում The Guardian-ը:
