«Մանչեսթեր Յունայթեդը» 8 մլն ֆունտի առաջարկ է արել «Կրիստալ Փելեսին» իր վինգեր Վիլֆրիդ Զախայի տրանսֆերային իրավունքները ձեռք բերելու համար:
Ինչպես հաղորդում է Daily Mirror-ը, 20-ամյա անգլիացու համար մղվող պայքարին «Յունայթեդի» հետ կմասնակցի նաև «Արսենալը»: Հենց այս երկու ակումբների առաջարկն է հետաքրքրել Զախային:
-Ես երկար ժամանակ եմ խաղում Չեմպիոնշիպում և այժմ ցանկանում եմ ավելի ուժեղ առաջնություն, որն էլ Պրեմիեր Լիգան է: Եթե հունվարին ես առաջարկ ստանամ և ակումբն էլ համաձայնվի, ապա մեծ ուրախությամբ կտեղափոխվեմ,- ասել է Զախան:
Հիշեցնենք, որ Զախան այս տարի իր նորամուտը նշեց նաև Անգլիայի ազգային հավաքականում:
