«Ռեդինգի» նոր գլխավոր մարզիչը դառնալու է Նայջել Էդկինսը: Այս մասին հայտնում է Sky Sports-ը՝ հղում անելով սեփական աղբյուրներին:
Հիշեցնենք, որ հունվարին Էդկինսը հեռացվեց «Սաութհեմպտոնից», որտեղ աշխատեց երեք տարի: Մինչդեռ այսպիսի մակարդակի մասնագետը երկար չմնաց առանց աշխատանքի: «Ռեդինգը» որոշել է օգտվել նրա ծառայություններից: Ակումբը երկու շաբաթ առաջ աշխատանքից հեռացրեց Բրայան Մակդերմոտտին: Որպես գլխավոր մարզիչ՝ Էդկինսն իր աշխատանքը կսկսի շաբաթ օրը կայանալիք «Արսենալի» հետ հանդիպմանը:
Այս պահին «Ռեդինգը» «Քուինս Պարկ Ռեյնջերսի» հետ գտնվում է մրցաշարային աղյուսակի վերջին հորիզոնականում:
