«Նյուքասլը» շաբաթ օրը կխաղա առանց Յոհան Կաբայեի, որը դեռ ապաքինվում է:
Այս պահին «կաչաղակները» ծանր դրության մեջ են: Մի կողմից ֆուտբոլիստների հաճախակի վնասվածքները, մյուս կողմից վերջին 11 խաղում կրած 9 պարտությունները թիմին ստիպում են մտածել առաջնությունից դուրս չմնալու մասին: Բացի դրանից անցած շաբաթ Ալան Պարդյուի առաջատար Դեմբա Բան տեղափոխվեց «Չելսի»:
Իսկ այս շաբաթ օրը թիմը խաղալու է «Նորվիչի» հետ, և Պարդյուն հույս ուներ` կիսապաշտպան Կաբայեն և կենտրոնական պաշտպան Թեյլորը դաշտ դուրս կգան: Մինչդեռ The Guardian պարբերականի հաղորդմամբ երկու ֆուտբոլիստներն էլ չեն կարող խաղալ:
Հայտնի է, որ մինչև հաջորդ ամիս Հաթեմ բեն Արֆան նույնպես չի խաղալու, իսկ Շոլա Ամեոբին որակազրկված է:
Պարդյուի համար լավ նորությունն այն է, որ նորեկ Մաթյո Դեբյուշին պատրաստ է իր առաջին խաղին, իսկ կիսապաշտպան Յոհան Գուտյերասը ապաքինվել է:
