«Նյուքասլը» պատրաստ է գրավիչ առաջարկ անել «Վեստ Հեմի» կիսապաշտպան Դեքլան Ռայսի համար:
Ըստ երևույթին, այս մրցաշրջանը Ռայսի համար վերջինը կլինի «Վեստ Հեմում»։ Խաղային մակարդակը և ցանկությունը Դեքլանին ստիպում են հեռանալ լոնդոնյան ակումբից:
Ըստ talkSPORT-ի, «Արսենալը» շարունակում է մնալ Ռայսի համար մղվող պայքարի գլխավոր հավակնորդը, սակայն 24 ամյա անգլիացի ֆուտբոլիստը անարգելք չի միանա «զինագործներին»:
Բացի «Արսենալից» և Ռայսի նախկին ակումբ՝ «Չելսիից», Դեքլանի համար կպայքարի նաև «Նյուքասլ Յունայթեդը», որի գլխավոր մարզիչ Էդդի Հաուն անցյալ շաբաթ «էլիտար» ձեռքբերումներ էր խոստացել իր ակումբի երկրպագուներին:
Ֆինանսական ֆեյր-փլեյի կանոնները նվազեցնում են «Նյուքասլի» ծախսերը, բայց «կաչաղակները», անշուշտ, կարող են իրենց ավելին թույլ տալ, եթե մնան Պրեմիեր լիգայի լավագույն 4-ում և հաջորդ մրցաշրջանում Չեմպիոնների լիգայի ուղեգիր նվաճեն:
