«Նոթինգհեմ Ֆորեստը» համաձայնության է եկել «Մանչեսթեր Յունայթեդի» եզրային հարձակվող Էնթոնի Էլանգայի հետ:
Անցած մրցաշրջանում Էլանգան Պրեմիեր լիգայում ընդամենը 16 հանդիպում է անցկացրել, ուստի «Յունայթեդի» գլխավոր մարզիչ Էրիկ Տեն Հագը որոշել է ազատվել Էնթոնիից՝ ավելացնելու համար իր տրանսֆերային բյուջեն:
Ինչպես հայտնում է Sky Sports-ը, «Յունայթեդը» համաձայնել է Էլանգային 15 միլիոն ֆունտ ստերլինգով բաց թողնել «Ֆորեստը»: Այժմ Էնթոնին կկարողանա «անտառապահների» հետ քննարկել անձնական պայմանագրի պայմանները։
Սպասվում է, որ 21 ամյա շվեդ ֆուտբոլիստը անհապաղ կդադարեցնի «Յունայթեդի» հետ իր շրջագայությունը ԱՄՆ-ով, որպեսզի վերադառնա հայրենիք՝ իր տրանսֆերային մանրամասները կարգավորելու համար:
Sky Sports-ը նաև հաստատում է, որ «Ֆորեստը» բանակցություններ է վարում «Յունայթեդի» հետ դարպասապահ Դին Հենդերսոնին գնելու համար, ով 2022/23 մրցաշրջանը վարձավճարով անցկացրեց «անտառապահների» կազմում:
