«Մանչեսթեր Յունայթեդի» հարձակվող Ուեյն Ռունին նշել է այն պրոֆեսիոնալիզմը, որի շնորհիվ «մանկունյանցիները» հաղթեցին «Նորվիչ Սիթիին»: Ռունին նաև հայտնել է, որ Պրեմիեր Լիգայում հաջողությունը առաջին տեղում է:
-Մեզ համար դա կարևոր էր, քանի որ ցանկանում էինք մեծացնել մեր առավելությունը «Սիթիի» նկատմամբ: Կարծում եմ դա երևում էր նաև թիմի կազմից: Մարզիչը փորձառու ֆուտբոլիստներ էր ընտրել և մեզ պարզ հասկացրեց, որ «Նորվիչի» հետ խաղը կարևոր է «Ռեալի» հետ խաղից: Դրա համար մենք լավ խաղացինք և արժանիորեն հաղթանակ տարանք:
Այդ խաղում Կագավան փայլում էր: Նա մշտապես հայտնվում էր այն տեղում, որտեղ կարող էինք գոլային փոխանցում կատարել:
Մրցաշրջանի սկզբում մենք հաճախակի էինք գնդակ բաց թողնում: Բարեբախտաբար կարողացանք լուծել այդ խնդիրը: Այս պահին մենք լավ մարզավիճակում ենք գտնվում:
«Յունայթեդը» և «Ռեալը» աշխարհի ուժեղագույն ակումբներից են, դրա համար բավական հետաքրքիր խաղ է սպասվում,- ասել է Ռունին: MUTV
