«Չելսին» պաշտոնապես հայտնել է Մադրիդի «Ատլետիկոյի» հարձակվող Դիեգո Կոստայի տրանսֆերն ավարտին հասցնելու մասին:
Հիշեցնենք, որ դեռ հուլիսի 1-ին հայտնի դարձավ, որ երկու ակումբները համաձայնության են եկել Իսպանիայի հավաքականի ֆուտբոլիստի տրանսֆերի հարցում: Իսկ այսօր գործարքն ավարտին հասավ և Դիեգոն հինգ տարվա պայմանագիր ստորագրեց «Չելսիի» հետ:
25-ամյա Կոստան, ով «կապույտներին» է միացել 32 մլն ֆունտով, իր նոր թիմի հետ առաջին մարզումը կանցկացնի հաջորդ շաբաթ:
-Ես շատ ուրախ եմ «Չելսիի» հետ պայմանագիր ստորագրելու համար: Բոլորն էլ գիտեն, որ սա մեծ ակումբ է, և ես անհամբերությամբ սպասում եմ նոր մրցաշրջանի մեկնարկին:
Ցանկանում եմ շնորհակալություն հայտնել «Ատլետիկոյի» բոլոր այն մարդկանցից, ովքեր ինձ դարձրեցին այն ֆուտբոլիստը, որը կամ այժմ,- ասել է Կոստան:
