«Չելսին» համաձայնության է եկել «Մոնակոյի» հետ՝ 45 միլիոն եվրոյով (38,7 միլիոն ֆունտ ստերլինգ) պաշտպան Ակսել Դիսասիին ձեռք բերելու համար:
«Չելսին» ստիպված եղավ մտնել տրանսֆերային շուկա՝ ավելի ուժեղ կենտրոնական պաշտպան գնելու համար այն բանից հետո, երբ Վեսլի Ֆոֆանան ծանր վնասվածք ստացավ՝ վտանգելով հաջորդ մրցաշրջանի մեծ մասում օիր մասնակցությունը:
25 ամյա Դիսասին, ում ծառայություններով հետաքրքրված էին նաև «Մանչեսթեր Յունայթեդը» և «Նյուքասլը», արդեն մտել էր իր պայմանագրի ավարտին, ուստի «Մոնակոյի» ղեկավարները չկարողացան դիմակայել «Չելսիի» առաջարկին:
Համաձայնելով Դիսասիին Լոնդոն բաց թողնել՝ ֆրանսիական ակումբը միևնույն ժամանակ Ակսելին փոխարինող գտավ, ի դեմս «Սաութհեմպտոնի» պաշտպան Մուհամեդ Սալիսուի։
Դիսասին «Մոնակոյի» կազմում է հանդես գալիս 2020 թվականից։ Ակսելը Ֆրանսիայի հավաքականի հետ մասնակցել է Աշխարհի 2022 թվականի առաջնությանը՝ երեք հանդիպում անցկացնելով Քաթարում։
Գործարքի ավարտից հետո Դիսասին ստիպված կլինի իր տեղի համար պայքարել Լևի Քոլվելի, Տիագո Սիլվայի, Տրևո Չալոբայի և Բուենդիա Բադյաշիլի հետ:
