«Նյուքասլը» կփորձի պահպանել առաջատարի տեղը Չեմպիոնների լիգայի F խմբում, տանը Դորտմունդի «Բորուսիայի» հետ առճակատվելուց հետո:
Տարօրինակ է, բայց «Միլանի» (0:0) և «ՊՍժ»-ի (4:1) դեմ խաղերից հետո հենց «Նյուքասլն» է գլխավորում այն քառյակը, որը վիճակահանությունից հետո շատերն անվանեցին «Մահվան խումբ»:
Բայց «Բորուսիան» շարունակում է մնալ ետնապահ B խմբում՝ պարտվելով «ՊՍժ»-ին (2:0) և սեփական հարկի տակ վաստակելով իր միակ միավորը «Միլանի» հետ ոչ-ոքի խաղալով (0:0):
«Նրանք բարձր մակարդակի թիմ ունեն մի քանի լավ խաղացողներով: Նրանց երկրպագուների բազան նման է մերին, մեր ակումբները նման են: Սա մի երեկո է, որին բոլոր խաղացողները ցանկանում են մասնակցել»:
«Չեմպիոնների լիգայի խաղից առաջ այստեղ մամուլի ասուլիսի ժամանակ նստելը սյուրռեալիստական է թվում: Այս դիրքում լինելն իսկական արտոնություն է»:
«Չեմպիոնների լիգան մրցույթ է, որը ես դիտել եմ մանկուց: Ես փորձում եմ ընտելանալ, որ վերջապես կկարողանամ խաղալ այստեղ»,- մամուլի ասուլիսի ժամանակ ասել է «կաչաղակների» կիսապաշտպան Շոն Լոնգստաֆը:
«Նյուքասլն» ու «Բորուսիան» նախկինում երբեք չեն հանդիպել պաշտոնական հանդիպումներում:
«Նյուքասլը» հինգ հանդիպում է անցկացրել գերմանական ակումբների դեմ եվրոպական մրցաշարերում՝ երբեք չպարտվելով: Բայց դրանցից վերջինը տեղի է ունեցել հեռավոր 2006/07 մրցաշրջանում՝ 0:0 Ֆրանկֆուրտի «Այնտրախտի» դեմ ՈւԵՖԱ-ի գավաթի խաղարկությունում:
«Բորուսիան» պարտվել է Անգլիա կատարած իր վերջին 6 այցերից 5-ում՝ ամեն անգամ իր դարպասը ընդունելով առնվազն երկու գնդակ:
Նախորդ տուրում «ՊՍժ»-ի դեմ խաղում «Նյուքասլը» տարավ Չեմպիոնների լիգայում իր պատմության ամենամեծ հաղթանակը:
«Նյուքասլը» հաղթել է Չեմպիոնների լիգայի 10 տնային հանդիպումներից 6-ում:
2023 թվականին «Բորուսիան» պարտվեց Բունդեսլիգայի 12 արտագնա խաղերից միայն մեկում՝ ապրիլին կայացած «Բավարիայի» դեմ խաղում:
«Նյուքասլը» շարունակում է մնալ առանց պաշտպան Սվեն Բոտմանի, ով ծնկի վնասվածքի պատճառով արդեն բաց է թողել հինգ հանդիպում։ Ջո Ուիլլոկը, ով բաց թողեց 5 ամիս մկանային խնդրի պատճառով, վերադարձել է մարզումներին և պատրաստ է խաղալ: Սանդրո Տոնալին իր որակազրկման հետ կապված նորությունների է սպասում Իտալիայից։
Չեմպիոնների լիգա՝ F խումբ 3-րդ տուր
«Նյուքասլը» (Անգլիա) – «Բորուսիա Դորտմունդ» (Գերմանիա)
Սենթ Ջեյմս Պարկ՝ 23:00
