«Չելսիի» դարպասապահ Պետր Չեխը շարունակելու է խաղալ կոտրված մատով, ինչպես որ դա արեց շաբաթ օրը կայացած «Ուիգանի» դեմ հանդիպմանը:
Չեխը մատը կոտրել էր անցած տուրի ժամանակ, երբ թիմը խաղում էր «Նյուքասլի» դեմ: Ենթադրվում էր, որ Չեխը մի քանի շաբաթ չի կարող օգնել «ազնվականներին», սակայն անցած հանգստյան օրերին նա դաշտ դուրս եկավ:
Ավելին, Պետրը պատրաստվում է այսպես խաղալ և հետագայում: Եվրոպա Լիգայի շրջանակներում լոնդոնյան ակումբը մրցելու է չեխական «Սպարտայի» հետ և Չեխը լինելու է մեկնարկային կազմում:
-«Ուիգանի» դեմ խաղալու որոշումը կայացվեց ուրբաթ օրը մարզումից հետո: Ինձ հաջողվեց կատարել իմ գործը, սակայն իհարկե, ես ուժեղ ցավ էի զգում մատիս շրջանում:
Ինձ հատուկ վիրակապել էին, սակայն դա չէր կարող սպանել ցավը: Ինձ պարզապես անհրաժեշտ է զգալ մատս, քանի որ ես դարպասապահ եմ:
Այնուամենայնիվ, ես կարող եմ շարունակել խաղալ: Կարևորը դիմանամ ցավին: Ես պետք է խաղամ հինգշաբթի օրը «Սպարտայի» դեմ, եթե ինչ-որ անսպասելի բան տեղի չունենա,- հայտնել է Չեխը: Goal
