«ՊՍԺ»-ի քաթարցի սեփականատերերը մտափոխվել են «Տոտտենհեմում» ներդրումներ կատարելու մտքից։
Դեռ հունվարին հայտնի դարձավ, որ «ՊՍԺ»-ի սեփականատեր Qatar Sports Investments-ը բանակցություններ է վարում «Տոտտենհեմից» բաժնետոմսեր գնելու շուրջ։ Լիգա 1-ի չեմպիոն Նասեր Ալ-Խելաիֆին Լոնդոնի հյուրանոցներից մեկում հատուկ հանդիպում է ունեցել «խթանների» իր գործընկեր Դանիել Լևիի հետ:
Այնուամենայնիվ, Evening Standard-ը կարող է հաստատել, որ այս բանակցություններն արդյունք չեն տվել: Քաթարից եկած ներդրողները կորցրել են հետաքրքրությունը «Տոտտենհեմի» նկատմամբ և որոշել են կառուցել փոխկապակցված ակումբների իրենց կայսրությունը առանց «խթանների»:
Հաղորդվում է, որ այժմ «ՊՍԺ»-ն պատրաստվում է իր ընտանիքի անդամ դարձնել իսպանական «Մալագային», իտալական «Սամպդորիային» և բրազիլական «Սանթոսին»։
Քանի որ ՈՒԵՖԱ-ի կանոններն արգելում են նույն սեփականատիրոջ մի քանի ակումբների մասնակցությունը եվրոպական ցանկացած մրցաշարում, քաթարցիները գնում են միայն փոքր քանակությամբ բաժնետոմսեր այն թիմերում, որոնցով հետաքրքրված են:
