«Չելսիի» ավագ Ջոն Թերրին խոստովանել է, որ գոհ է իրենց թիմի նորեկներ Սամուել Էտո’Օյից և Վիլլիանից:
Տրանսֆերային պատուհանի փակվելուց օրեր առաջ «կապույտների» գլխավոր մարզիչ Ժոզե Մոուրինյոն իր թիմ հրավիրեց Մախաչկալայի «Անժիի» կիսապաշտպան Վիլլիանին և հարձակվող Էտո’Օյին:
Երկրպագուների մեծ մասն այս տրանսֆերներն անիմաստ են համարում, սակայն Թերրին գոհ է իր նոր խաղընկերներից:
-Էտո’Օն և Վիլլիանը բավական լավ տպավորություն թողեցին մարզումների ժամանակ: Նրանք ասել են, որ մեծ տարբերություն կա «Անժիի» և այստեղի մարզումների միջև: Համոզված եմ, որ նրանց ընդամենը մի քանի շաբաթ կպահանջվի իրենց լավագույն մարզավիճակը ձեռք բերելու համար:
Էտո’Օն շատ վտանգավոր հարձակվող է: Ես ուրախ եմ, որ նրա դեմ չեմ խաղալու,- «Չելսիի» պաշտոնական կայքին տված հարցազրույցում ասել է Թերրին:
