«Քուինս Պարկ Ռեյնջերսի» գլխավոր մարզիչ Հարի Ռեդնապը հայտնել է, որ «Ուիգանի» հետ 1:1 հաշվով խաղից հետո իրեն զգում է ինչպես կյանքի վատագույն պարտությունից հետո:
«Լոֆտուս Ռոուդում» կիրակի կայացած հանդիպումը բավական բարդ ստացվեց: «Ռեյնջերները» դեռ առաջին խաղակեսում մնացին 10 ֆուտբոլիստով, երբ կարմիր քարտով հեռացվեց Բոբբի Զամորան: Սակայն նրանք կարողացան հավաքվել և անգամ թվային առավելության ունեցող հակառակորդի դեմ արժանի պայքար մղել: Ռեդնապի սաները 85-րդ րոպեին առաջ անցան հաշվի մեջ: Հիանալի գոլի հեղինակ դարձավ Լոիկ Ռեմին:
Սակայն ավելացված ժամանակի վերջին վայրկյաններին «Ուիգանը» կարողացավ խուսափել պարտությունից: Հիմնական մրցակինցներից մեկի հետ կարևոր երկու միավորի կորուստը հոգաբանական լուրջ հարված էր Ռեդնապի համար:
-Այնպիսի տպավորություն է, ինչպես կյանքի վատագույն պարտությունից հետո: Չգիտեմ, թե ինչով կարող ենք մեզ խրախուսել:
Կարծում եմ՝ սա ֆուտբոլում իմ ստացած ամենածանր հարվածն էր: Նրանք արժանի չէին այդ գոլին: Կարծում եմ՝ մենք պետք է երեք միավոր վաստակեինք:
Եթե այսօր մենք երեք միավոր վաստակեինք, ապա հիանալի հնարավորություն կլիներ պահպահելու տեղը Պրեմիեր Լիգայում,- Ռեդնապի խոսքերն է մեջբերում talkSPORT-ը:
