«Մանչեսթեր Յունայթեդ»-ի կենտրոնական պաշտպան Ռիո Ֆերդինանդը ակումբի պաշտոնական թերթին տված հարցազրույցում ասել է, որ դեռ չի որոշել հաջորդ մրցաշրջանում կխաղա «կարմիր սատանաներ»-ի կազմում թե ոչ:
Ֆերդինանդի ներկայիս պայմանագիրը կլրանա այս մրցաշրջանի ավարտին: Ոչ շատ վաղ Ֆերգյուսոնը նշել էր, որ Ռիոն իր որակներով կարող է թիմին օգնել ևս երկու-երեք տարի:
Ակնհայտ է, որ «Յունայթեդ»-ը պաշտպանին կառաջարկի ընդհամենը 12 ամսվա գործարք: Վետերանը պետք է որոշի ստորագրի պայմանագիրը առանց երաշխիքի, որ կխաղա հիմնական կազմում թե տեղափոխվի մեկ այլ ակումբ, որտեղ կարող է հանգիստ ավարտել կարիերան:
-Մշտապես հաճելի է լսել, երբ մարզիչը գովեստի խոսքեր է ասում, սակայն ես գիտակցում եմ իրավիճակը: Նման խոսքերը ֆուտբոլիստին միայն ուժ են տալիս:
Որոշումը կապված է իմ ֆիզիկական պատրաստականությունից: Եթե ես լավ մարզավիճակում լինեմ և կարողանամ օգնել թիմին, ապա կմնամ: Բոլոր հարցերի պատասխանը կտրվի ամռանը,- ասել է Ֆերդինանդը: Inside United Magazine
