Sky Sports-ի փորձագետ Ջեյմի Ռեդնապը կարծում է, որ Բրենդան Ռոջերսի հեռացումը «Լեսթերի» գլխավոր մարզչի պաշտոնից «անխուսափելի» էր:
Կիրակի օրը «Լեսթերը» հայտարարեց, որ Ռոջերսը լքում է իր պաշտոնը «կողմերի փոխադարձ համաձայնությամբ»։ Բրենդանը լքում է «աղվեսներին» Պրեմիեր լիգայի անկման գոտում թողնելով։
Ռոջերսը սեզոնի սկզբից հիասթափություն է ապրում տրանսֆերային շուկայում ակտիվության բացակայության և Վեսլե Ֆոֆանային «Չելսի» ուղարկելու պատճառով, ուստի Ռեդնապը զարմացած չէ Բրենդանի հեռանալուց:
«Անխուսափելին, հավանաբար, ճիշտ բառն է: Նա պարզապես չգտավ այդ կայծն այս մրցաշրջանում: Նրանք այս տարվա սկզբին մի շարք վատ արդյունքներ ունեցան, և նա պարզապես զգաց, որ չի ստացել այն աջակցությունը, որը ցանկանում էր»:
«Ինչ-որ բան այն չէր: Ես Բրենդանի աշխատանքի մեծ երկրպագու եմ, նա բարձր մակարդակի մարզիչ է, և կասկած չկա, որ նա շատ արագ կվերադառնա ֆուտբոլ: Նրանք կարծում էին, որ կարող են դուրս գալ իրենց ծանր վիճակից, և դա ցույց է տալիս, թե որքան մեծ և խելահեղ է ֆուտբոլը»։- ասել է Ռեդնապը Sky Sports-ին։
