Դորտմունդի «Բորուսիան» հաստատել է եզրային հարձակվող Ջեյդոն Սանչոյին վարձավճարով ձեռք բերելու մասին։ Գործուղղումը կտևի մինչև 2024 թվականի հունիսի 30-ը:
2021 թվականի ամռանը Սանչոն «Բորուսիայից» տեղափոխվեց «Յունայթեդ»։ Այդ տրանսֆերի արժեքը մոտ 73 միլիոն ֆունտ ստերլինգ է գնահատվում։ Սակայն Ջեյդոնն չկարողացավ ցուցադրել իր լավագույն որակները, իսկ այս մրցաշրջանի սկզբում վիճաբանեց «կարմիր սատանաների» գլխավոր մարզիչ Էրիկ Տեն Հագի հետ։
Սանչոյի ու Տեն Հեգի հակամարտությունը բացեց Ջեյդոնի՝ Դորտմունդ վերադառնալու դուռը, և «Բորուսիան» օգտվեց այդ հնարավորությունից։
Այսպիսով, 23 ամյա անգլիացին վերադարձել է ակումբ, որի կազմում 2017-2021 թվականներին անցկացրել է 137 հանդիպում՝ դառնալով 50 գոլի և 64 գոլային փոխանցման հեղինակ։
Դորտմունդը կվճարի 3,5 միլիոն եվրո (3 միլիոն ֆունտ ստերլինգ) Սանչոյի վարձակալության համար, ևս 4 միլիոն եվրո (3,4 միլիոն ֆունտ) բոնուսներով՝ կախված անհատական և թիմային հաջողությունների վրա:
Վարձակալության պայմանագիրը գնման կետ չի նախատեսում, և «Բորուսիան» ու «Յունայթեդը» միասին կվճարեն Սանչոյի աշխատավարձը։
«Երբ այսօր մտա հանդերձարան, զգացի, որ տուն եմ վերադարձել: Ես այս ակումբին ներսից եմ ճանաչում, միշտ շատ մոտ եմ եղել այստեղի երկրպագուների հետ և երբեք չեմ կորցրել կապը անձնակազմի հետ: Թիմակիցներ, ես դուրս կգամ խաղադաշտ, կխաղամ ժպիտը դեմքիս, գոլային փոխանցումներ կկատարեմ և գոլեր կխփեմ և կօգնեմ ակումբին հայտնվել Չեմպիոնների լիգայի որակավորման գոտում»,- ասել է Սանչոն:
