«Ատլետիկոյի» գլխավոր մարզիչ Դիեգո Սիմեոնեն խոստովանել է, որ Մադրիդում կայացած գոլազուրկ ոչ ոքին Չեմպիոնների Լիգայի կիսաեզրափակչի ընդհանուր դիմակայությունում ֆավորիտ է դարձնում «Չելսիին»:
«Վինսենտե Կալդերոն» մարզադաշտում կայացած այդ խաղում Սիմեոնեի սաները տիրում էին նախաձեռնությանը, սակայն գրոհների ժամանակ բավական պարզ էին գործում, ինչն էլ խնդիր չէր ստեղծում «Չելսիի» պաշտպանության համար:
Ոչ Պետր Չեխը, ով փոխարինվեց 18-րդ րոպեին, և ոչ էլ Մարկ Շվարցերն առանձնապես դժվար սեյվեր չկատարեցին: «Ատլետիկոն» չկարողացավ տնային խաղից առավելագույնը ստանալ և նրանց մարզչի կարծիքով, եզրափակչի ուղեգրի համար ֆավորիտը «Չելսին» է:
-Շատ ծանր խաղ էր: Մենք չկարողացանք գոլ խփել, որը մեզ թույլ կտար հաղթել: Այս արդյունքն առավելություն է տալիս «Չելսիին», սակայն եզրափակիչ դուրս կգա այն թիմը, որը կհաղթի,- ասել է Սիմեոնեն: Sky Sports
