«Սուոնսի Սիթին» գնեց «Միդլսբորոյի» վինգեր Մարվին Էմնեսի տրանսֆերային իրավունքները: Գործարքի ֆինանսական կողմի մասին ինֆորմացիա չի հաղորդվում:
Հիշեցնենք, որ «կարապները» Էմնեսին վարձակալել էին նախորդ մրցաշրջանի երկրորդ կեսին: Մարվինը ուելսյան ակումբում խաղացել է նաև 2010/11 մրցաշրջանում:
Մրցաշրջանի ավարտից հետո «Սուոնսին» որոշեց գնել 26-ամյա հոլանդացու տրանսֆերը, և այսօր գործարքը պաշտոնապես հաստատվել է: Մարվինը «կարապների» հետ երեք տարվա պայմանագիր է ստորագրել:
Ավելացնենք, որ նախորդ մրցաշրջանի երկրորդ հատվածում Էմնեսը մասնակցեց յոթ խաղի և մեկ անգամ աչքի ընկավ խփած գոլով:
