«Մանչեսթեր Յունայթեդի» հարձակվող Ռոբին Վան Պերսին հայտնել է, որ դեռ 10 տարի կշարունակի ֆուտբոլ խաղալ:
30-ամյա հոլանդացու խոսքերով, Բրազիլիայում կայանալիք աշխարհի առաջնությունը չի լինի վերջինն իր կարիերայում: Վան Պերսիին ոգեշնչում է «Յունայթեդում» իր թիմակից Ռայան Գիգգսի օրինակը և նա մտադիր է ավելի երկար մնալ ֆուտբոլում:
-Մենք պետք է Բրազիլիայում ավելի լավ հանդես գանք, քան Եվրոպայի վերջին առաջնությունում: Դա իմ ցանկությունն է:
Աշխարհի առաջնությունը չի լինի իմ վերջին մեծ մրցաշարը: Ես երբեք շատ լուրջ վնասվածքներ չեմ ունեցել, բացի որոշ մկանային վնասվածքներից: Ես պատրաստվում եմ դեռ 10 տարի խաղալ:
Այո, իսկապես, այդպիսին է իմ նպատակը: Ես մեծ ոգևորություն եմ զգում, երբ տեսնում եմ, թե ինչպես է Ռայան Գիգգսը մարզվում և խաղում,- NUSport-ի հետ հարցազրույցում հայտնել է Վան Պերսին:
